Rikthimi i dashurisë” është libri më i ri i autorit Erion Selmani.
Është një roman i mbushur me dritë dhe shpresë. Aty trajtohen problemet
sociale të rinisë së sotshme dhe ndërthuret mjaft bukur bota e
brendshme shpirtërore me realitetin e jetuar.
“Rikthimi i dashurisë” do të zgjojë ndjenjat e kujtimet tuaja. Dikush
mund të ndjejë nostalgji për të kaluarën, dikush tjetër do të gjejë
besim për të rifituar një dashuri të humbur.
Mesazhet që ofron ky roman, janë mjaft pozitive dhe plot optimizëm.
Subjekti
Romani fillon me historinë e një shërbyesi të trishtuar restoranti,
të cilit i kujtohen disa vuajtje e shfrytëzim në punë. Tradhti gjatë
jetës por, jo hakmarrje. Më pas rrëfimi shkon drejt një vajze
spektakolare, ekzibicioniste në web kamera e cila ka frikë të
dashurohet… Përse vallë? Ç’ka i ka ndodhur asaj?
Do të hyjë në skenë një autor tregimesh i cili shfaqet herë i
guximshëm, interesant dhe herë gënjeshtar. Ngjarja rrjedh me dyshimin se
ai mund të jetë edhe Donzhuan. Por ky nuk mbetet as misteri e as
personazhi i fundit.
Ngjarjet janë të shumta dhe të dendura. Dialogët dhe monologët
vijojnë pa lënë anash komplotet. E përveç këtyre s’do mungojnë
propozimet dhe sulmet e pamëshirshme të cilët e bëjnë këtë roman edhe më
të paparashikuar nga ajo që mendon lexuesi.
Libri është i rrjedhshëm, plot ritëm, emocione. Argëtues e qetësues. Joshës dhe, me disa episode… ndryshe nga e kaluara.
Pak fjalë për autorin
Autori i romanit “Rikthimi i dashurisë”, Erion Selmani ka lindur më
20 korrik 1976 në qytetin e Vlorës. Ai që në moshë të vogël ka qenë i
pasionuar pas letërsisë dhe kjo dukej qartë edhe gjatë hartimeve që
bënte në shkollë.
Në moshën 18-vjeçare emigroi drejt Italisë bashkë me familjen e tij,
por pasioni për letërsinë nuk e linte të qetë. Frymëzimin për këtë
roman e gjeti thellë në ndërgjegjen e tij.
Ndërkohë, Selmani ka shkruar edhe romane të tjerë, siç janë. “Ëndrrat
e thyera” publikuar në vitin 2007 dhe “Anija e dashurisë” botim në
internet i vitit 2008.
* * *
Romani “Rikthimi i dashurisë” gjendet on line. Mos e humbisni! Libri
gjendet nëpër libraritë ndërkombëtare On-line, ose në blog-un e
autorit: http://erisel10.blogspot.com/
Nessun commento:
Posta un commento