Se shpejti e-book i ri

Të nderuar vizitorë!

Ju njoftoj se së shpejti këtu do të gjeni një e-book të ri.
Bëhet fjalë për diçka argëtuese, plot aventura dhe jo më tepër. Do të jetë plot surpriza të rralla dhe ndoshta lexuesit që më njohin, do të çuditen më shumë se kurrë ndonjëherë.

Ejani këtu pas dy-tre javësh dhe do ta gjeni librin Falas.
Ose mund ta prenotoni librin tim të ardhshëm eletronik me e-mail këtu : Infolibri.erion@gmail.com
Kur të jem gati do t'jua postoj.
Ju premtoj se kësaj here do të argëtoheni shumë gjatë leximit. Të paktëm ata më romantikët!

Përshëndetje
Erioni

Si kenaqen femrat

Kohë më parë diskutova me miqtë  nëpër forume në lidhje me kënaqësinë e femrave.

Pas shumë replikash arritëm njëfarë konkluzioni Jo shkencor! Më tepër sesa konkluzion është vetëm opinion.

Tregohu xhentil!Bëji komplimente!

Tregohu Bujar, jepi dhurata!Respektoje!

Jepi kohë kur ajo nuk është gati për marrëdhënieThuaj fjalë të ëmbla!

Përkëdhele femrën, Admiroje, Dashuroje,

Mos harro ti blesh herë pas here lule .

Eshtë shumë e thjeshtë, mjafton të keni dëshirën e mirë për ta kenaqur të dashurën tuaj.:)

Shtëpia e librit

Edhe pse jeta jonë është e tejmbushur me Google, Msn etj, dashamirësit e librit janë ende të shumtë.

Më në fund edhe unë kam gjetur librarinë time online. Kam ngelur mjaft i kënaqur nga shërbimi dhe mirësjellja e drejtuesve të librarisë "Shtëpia e librit". Porosita disa libra atje dhe më erdhën me postë. Ata janë shumë të përpiktë në punën e tyre.
Ky website është një mundësi e mirë sidomos për ne që jetojmë jashtë shtetit, për të lexuar letërsi shqiptare dhe të huaj. Shume nga kryeveprat e letërsisë mund t'i gjeni atje. Ndërkohë që edhe Blogu i librarisë ka recensione dhe lajme interesante nga bota letrare.
Në qoftë se jeni në kërkim të librave në gjuhën shqipe, atëherë klikoni këtu te Shtepia e librit.

Gjthçka është kalimtare, veç librat janë të përjetshëm.

Sa kohe zgjat dashuria?

Orgazma dihet se zgjat pak sekonda, por secili prej nesh të paktën njëherë në jetë ka bërë pyetjen: Sa kohë zgjat dashuria midis dy partnerëve? Njerëzit janë të aftë të dashurojnë më tepër se një herë në jetë. Atëherë do të thotë që dashuria mund të ketë edhe fund.

Ka të ngjarë që të zgjasi përjetësisht ndonëse ende nuk kemi mjaft prova për këtë. Mund të zgjasi edhe 2-3 vite pas martese, ndoshta edhe 15 vjet por prapëseprapë asgjë nuk është e sigurt. Thonë se me kalimin e kohës dashuria kthehet në dhembshuri ose miqësi midis partnerëve. Mbase do të ishte më bukur që partnerët të kishin qenë miq para se të zbehej dashuria. Pra sipas mendimit tim modest kur një çift arrin të krijoj edhe miqësi me partnerin ka shumë gjasa që dashuria të jetë e gjatë. Nuk ka rregulla dhe as teorema bindëse në dashuri prandaj gjithçka që themi janë veç hipoteza.

Ka diçka që e shkurton dashurinë. Mania dhe nepsi për të provuar gjëra të reja. Për të provuar diçka të re, njerëzit tradhëtojnë partnerët ndër shekuj. Tradhëtia herë të shkakton ndarje nga partneri ose në rast tjetër sjell dëshirën për të braktisur partneren/in. Në këtë rast tradhëtia e shkurton dashurinë, biles e mbyt krejt!
Në rastin e dytë kur pas tradhëtisë ndodh Çudia e madhe, pra rikthimi tek partneri/ja akoma më i dashuruar se më parë. Shkurt muhabeti sapo kemi zbuluar se edhe ai/ajo tjetra nuk ka asgjë më shumë nga bashkëshorti/ja jonë . Njëfarësoj kjo mund ta zgjasi dashurinë. Orgazma e tradhëtisë zgjati pak dhe mbase e imagjinonim më bukur. Kurse dashuria me partnerin është matematikisht më e gjatë se ato sekondat tradhëtare....

Nuk ka receta për zgjatjen e dashurisë dhe kur biem në dashuri na duket se do zgjas përgjithmonë. Me kalimin e kohës e kuptojmë se përveç dashurisë partneri ynë ka nevoje sidomos për dhembshuri, respekt, dhe një fjalë të mirë. 
Kohëzgjatja e dashurisë varet nga shumë faktor, dhe për të qenë e gjatë ose e përjetshme, ajo kërkon përkushtim dhe sakrifica. Duhet ta meritojmë dashurinë, dhe jo ta presim të vij nga qielli.

Atëherë sa kohë zgjat? Secili prej nesh i ka të gjitha mundësitë të dashuroj përgjithmonë, varet nëse ka dëshirë..:)

Erion Selmani

Fotografitë e mia

Këto janë dy fotografitë e mia të thjeshta. I solla këtu thjesht për qejf.Kliko mbi foto për ta zmadhuar.

Kush e shijon më shumë s....?

Dhe lind pyetja "fatale". Madje përtej fatales sepse këto ditë po bëhet në dhjetèra Forume njëkohësisht, që do të thotë se po bëhet nami-:))
Kush e shijon më shumë seksin? Meshkujt apo femrat.
Përgjigjen e kësaj pyetjeje, vështirë se mund ta jepte edhe shkenca. Prandaj në mungesë të përgjigjes së madhe, mund të behet një arsyetim i thjeshtë, ndonëse gjatë marrëdhënieve seksuale njerëzit kanë dëshirë, epsh apo tjetër por arsyeja zhduket. Të paktën në sekondat finale.

Ja replika ime në një Forum :- Ky faktor nuk varet nga gjinia femerore apo mashkullore. Varet nga personi. Ka njerez qe dijne te dhurojne e marrin kenaqesi, ashtu sikurse per fat keq ka edhe disa persona te pakte ne numer qe vetem japin vuajtje dhe dhimbje:Kryesorja eshte qe te bejme perzgjedhjen tone, ne trurin tone. Te japim kenaqesi apo dhimbje.? Te marrim si kompensim te njejten gje apo jo? Kenaqesia e seksit nuk lind tek penisi apo klitori. Kenaqesia totale apo orgazma sublime lind se pari brenda zemres se te dashuruarve dhe brenda mendjes se tyre.GJITHÇKA qe mbetet eshte veç një detaj i paperfillshem!
-----
Kuptohet që në mungesë të një prove apo spjegimi shkencor edhe unë mund t'ja kem futur kot.
Në këtë temë secili prej nesh mund të ketë të drejtë, po aq sa në të njëjtën kohë bën vaki të jetë në gabim.
Kam përshtypjen se rashë pre i të përgjithshmes duke folur për këtë temë të kudondodhur. Por, më bërën përshtypje disa replika banale kur e krahasonin dashurinë dhe ndjenjat e çifteve me "krruajtje veshi" e disa të tjera krahasime banale. Dhe dua të theksoj se penetrimi brenda asaj nuk është thjesht "krruarje", por një akt madhështor dashurie, respekti, besnikërie, dhe ledhatimesh të përjetshme. Pse jo!?

Dy poeta që admiroj në blogosferë

U dashurova përfundimisht me poezinë kur lexova të mrekullueshmit Adem Berisha dhe Përparim Hysi.

Ai është poeti i dashurisë njerëzore dhe paqes.
Baca i nderuar Adem Berisha ka botuar përmbledhjen e bukur me poezi "Krenaria dhe pikëllimi".
Kushtuar vendlindjes së tij të dashur Kosovës dhe mbesës së tij, vogëlushes së artë Diellza e cila për fat të keq ka humbur jetën në mënyrë tragjike.
Bacë Ademi me vargjet e tij e prek lexuesin thellë në zemër, e trishton lexuesin, e gëzon dhe njëkohësisht i jep kurajo për të përballuar vështirësitë e jetës. Kur lexova biografine e tij të shkurtër e kuptova që vetëm vullneti, forca shpirtërore dhe dashuria për jetën të jep mundësinë për të fituar betejat e panumërta dhe shpeshherë të pamëshirshme, fatkeqësisht.! . Ai me familjen e tij ka patur forcë dhe kurajo mahnitëse, madje edhe Zemër fisnike, e madhështore për të fituar betejat e jetës dhe për te qenë përherë Zotni i nderuar, sot edhe krijues i pëlqyer.
Poeti shqiptar nga Republika e Kosovës, xhaxhi Ademi rrëfen këtu me pak rreshta jetën e tij
-----
I preferuari im Z. Përparim Hysi është poeti i rimës, dhe tregimtar që përcjellë qetësi shpirtërore tek lexuesit.
Ndërkohë që poezia e tij është plot rimë dhe art, proza e tij është e thjeshtë e këndshme, artistike dhe shumë njerëzore.
I nderuari miku im Z. Hysi admiron gjërat e bukura të jetës, ka gusto dhe ndjenja. Poezia e tij është sidomos triumf i ndjenjave dhe dashurisë.
Në disa raste kam lexuar mallin e tij të madh për Shqipërinë e largët, atdheun që shumëkujt prej nesh situata, tranzicioni, çmenduria e politikanëve na e mohoj, ose largoi, ndoshta për shumë kohë, fatkeqësisht.
Poeti Përparim Hysi jeton në SHBA dhe është vazhdimisht i vëmendshëm dhe inkurajues ndaj talenteve të reja në blogosferën tonë. Ai është miku i gjthë autorëve të rinj. Ka botuar katër libra me poezi dhe prozë. Krejt natyrshëm të gjithë neve admiruesit e tij po presim me kënaqësi dhe durim librin e tij të pestë. Atë më të bukurin! Po të dëshironi mund të njiheni më mirë me poetin këtu
Një poet i madh ka thënë "Kombin e bëjnë poetët"